दहा दिवसांत पाणीपुरवठ्याच्या समस्येवर तोडगा निघाला नाही तर रस्त्यावर उतरून आंदोलन करू

मुंबई प्रतिनिधी✍️जोगेश्वरी पूर्व विभागातील पाणीपुरवठ्याची समस्या दिवसेंदिवस गंभीर होत असून, संपूर्ण विभागात कमी दाबाने पाणीपुरवठा होत आहे. तर काही ठिकाणी गटारमिश्रित पाणी येत असल्याच्या तक्रारी नागरिकांकडून करण्यात येत आहेत. नागरिकांच्या आरोग्याशी आणि दैनंदिन जीवनाशी निगडित असलेल्या या गंभीर प्रश्नावर आता ठोस उपाययोजना होणे गरजेचे आहे.या पार्श्वभूमीवर आज आमदार अनंत (बाळा) नर यांनी के/उत्तर विभाग कार्यालयात सहायक आयुक्त श्रीमती रुपाली कदम आणि उपजल अभियंता यांच्या उपस्थितीत बैठक घेऊन पाणीपुरवठ्याच्या समस्येवर अधिकाऱ्यांना जाब विचारला. वारंवार बैठका घेऊनही नागरिकांना पुरेसे आणि स्वच्छ पाणी मिळत नसेल, तर या बैठकांचा उपयोग काय? असा सवाल उपस्थित करत त्यांनी प्रशासनाला स्पष्ट शब्दांत इशारा दिला.तसेच ज्या नवीन इमारतींचे बांधकाम सुरू आहे किंवा ज्या ठिकाणी अनधिकृत पाणी जोडण्या व पाइपलाइन देण्यात आल्या आहेत त्या सर्वांची तातडीने तपासणी करून अनधिकृत जोडण्या बंद करण्यात याव्यात अशी मागणीही करण्यात आली. अनधिकृत पाणी जोडण्यांमुळे नियमित पाणीपुरवठ्यावर परिणाम होत असल्यास संबंधितांवर कठोर कारवाई करण्यात यावी.येत्या १० दिवसांत पाणीपुरवठ्याच्या समस्येवर ठोस तोडगा निघाला नाही, तर संपूर्ण जोगेश्वरीकरांना रस्त्यावर उतरून आंदोलन करावे लागेल जोगेश्वरीकरांना पुरेसे आणि स्वच्छ पाणी मिळणे हा त्यांचा हक्क आहे. नागरिकांच्या या मूलभूत हक्कासाठी शेवटपर्यंत लढा सुरूच राहील या बैठकीला नगरसेवक कैलासनाथ पाठक, नगरसेविका लोना रावत, शिवानी परब,मानसी जुवाटकर, विधानसभा प्रमुख विश्वनाथ सावंत,विधानसभा समन्वयक रविंद्र साळवी उपविभाग प्रमुख जयवंत लाड उपविभाग समन्वयक महेश गवाणकर, संदीप कोठारकर शाखाप्रमुख अमर मालवणकर, प्रदीप गांधी, नंदकुमार ताम्हणकर, श्री नितीश म्हात्रे ,व इतर पदाधिकारी व नागरिक आदी उपस्थित होते.