कुडाळ प्रतिनिधी✍️: हुमरमळा (वालावल) येथील करमळीवाडीमध्ये भाटकर घर ते कुलस्वामिनी मंदिराकडे जाणाऱ्या मार्गावरील साकवाचे काम नुकतेच पूर्ण झाले आहे. पंचायत समिती सदस्या अर्चना बंगे आणि सरपंच अमृत देसाई यांच्या सातत्यपूर्ण प्रयत्नातून हे विकासकाम पूर्णत्वास आले.
हुमरमळा गावातील कोणतेही विकासकाम प्रलंबित राहू नये, यासाठी सरपंच अमृत देसाई आणि पंचायत समिती सदस्या अर्चना बंगे सातत्याने प्रयत्न करत आहेत. त्यांच्या पाठपुराव्यामुळे गावातील विविध छोटी-मोठी विकासकामे मार्गी लागत असल्याचे अर्चना बंगे यांनी सांगितले.
गावातील विकासकामांसाठी स्थानिक ग्रामस्थांकडून नेहमीच सहकार्य मिळत असल्याने विविध कामे पूर्ण करताना कोणत्याही प्रकारची अडचण निर्माण होत नाही. गावाच्या सर्वांगीण विकासासाठी आवश्यक असलेली कामे प्राधान्याने मार्गी लावण्यासाठी आपण कटिबद्ध असून, आगामी काळातही गावाच्या विकासासाठी सर्वतोपरी सहकार्य केले जाईल, अशी ग्वाही बंगे यांनी दिली.
यावेळी माजी सरपंच सुरेश वालावलकर, रमा वालावलकर, गणेश वालावलकर, सुमन वालावलकर, किशोर वालावलकर, गणेश केसरकर, विजय वालावलकर, महेश वालावलकर, किशोर पेढणेकर, उदय खडपकर, अनु आकलेकर, दीपक वालावलकर, विष्णू वालावलकर, हेमंत कद्रेकर, योगेश कानडे, रुपेश तुळसकर आदी उपस्थित होते.
