कणकवली प्रतिनिधी✍️: कलमठ संदीप मेस्त्री मित्र मंडळाच्या वतीने दिवाळीनिमित्त श्रीकृष्ण नरकासुर स्पर्धा २०२६ चे आयोजन करण्यात आले आहे. शनिवार, ७ नोव्हेंबर रोजी रात्री ९ वाजल्यानंतर कलमठ बाजारपेठ येथे ही स्पर्धा रंगणार आहे.
स्पर्धेतील विजेत्यांना आकर्षक बक्षिसे देण्यात येणार आहेत. प्रथम क्रमांकासाठी ६ हजार रुपये व सन्मानचिन्ह, द्वितीय क्रमांकासाठी ४ हजार रुपये व सन्मानचिन्ह, तर तृतीय क्रमांकासाठी २ हजार रुपये व सन्मानचिन्ह देण्यात येणार आहे. तसेच दोन उत्तेजनार्थ बक्षिसेही ठेवण्यात आली असून, प्रत्येकी १ हजार रुपये व सन्मानचिन्ह देण्यात येणार आहे.
स्पर्धेत सहभागी होणाऱ्या पात्रासाठी श्रीकृष्णाची वेशभूषा करणे बंधनकारक आहे. तसेच सर्व स्पर्धकांनी रात्री ११ वाजेपर्यंत कार्यक्रमस्थळी उपस्थित राहणे आवश्यक आहे. रात्री ११ नंतर येणाऱ्या स्पर्धकांच्या गुणांमधून दोन गुण वजा करण्यात येणार आहेत.
स्पर्धेत सहभागी होऊ इच्छिणाऱ्या स्पर्धकांनी नावनोंदणी करण्याचे आवाहन आयोजकांकडून करण्यात आले आहे. नावनोंदणीसाठी तेजस लोकरे (९४२२१७९५९६), नितीन पवार (९४०४२१७०७७) आणि सचिन वाघेश्री (७७४१०००३७७) यांच्याशी संपर्क साधावा.
