मुंबई प्रतिनिधी✍️: ठाकरे गटाचे नेते संजय राऊत यांच्याबाबत केलेल्या वादग्रस्त विधानाशी संबंधित प्रकरणात राज्याचे मंत्री नितेश राणे यांच्या विरोधात न्यायालयाने वॉरंट जारी केले आहे. हे वॉरंट राणे यांच्या शासकीय निवासस्थानाच्या पत्त्यावर पाठविण्यात आल्याची माहिती समोर आली आहे. या घडामोडीमुळे राजकीय वर्तुळात चर्चेला सुरुवात झाली असून, राणे यांच्या कायदेशीर अडचणी वाढण्याची शक्यता व्यक्त केली जात आहे.
संजय राऊत यांच्याबाबत केलेले विधान आता नितेश राणे यांच्यासाठी कायदेशीर अडचणीचे कारण ठरले आहे. न्यायालयाने वॉरंट जारी केल्यानंतर या प्रकरणात पुढील कायदेशीर प्रक्रिया काय असेल आणि राणे यांच्याविरोधात कोणती कारवाई होणार, याकडे सर्वांचे लक्ष लागले आहे.
दरम्यान, या न्यायालयीन कारवाईवर मंत्री नितेश राणे तसेच त्यांच्या पक्षाकडून काय प्रतिक्रिया दिली जाते, याबाबत उत्सुकता आहे. संजय राऊत आणि नितेश राणे यांच्यातील राजकीय संघर्ष यापूर्वीही अनेकदा चर्चेत राहिला आहे. आता या संघर्षाशी संबंधित प्रकरण न्यायालयात पोहोचल्याने राज्याच्या राजकीय वर्तुळात या विषयाची चर्चा अधिक रंगण्याची शक्यता आहे.
